Не постојат многу возачи во светот кои искрено може да кажат дека никогаш, случајно испрскале пешаци. Уште помалку постојат возачи кои намерно испрскале пешаци. За овие вторите лошо е доколку бидат видени од полицијата, пешакот ги преземе работите во свои раце или пак работат во канадската компанија Black & McDonald.

Сето ова погоре споменатото во пракса се случи во Канада. Имено, возач вработен во канадската компанија Black & McDonald со своето товарно возило намерно испрска минувач на улица во Отава. За негова жал, сето ова беше забележано од задната камера на возилото пред него.

Откако возачот на возилото реши да го постави видеото на YouTube истото веднаш стана вирално и за неколку дена беше прегледано од повеќе од милион интернет корисници. Истото беше забележано и од раководни лица вработени во Black & McDonald кои веднаш му дадоа отказ на возачот – вработен во нивната фирма.

Компанијата не застана тука и на својата официјална Facebook страна искажаа големо извинување на сите за овој инцидент.