Интересна вест доаѓа од Турција. Турски државјанин со иницијали Е.К. успеал да продаде еден ист автомобил на најмалку 80 различни лица.

Како што пишуваат турските медиуми Е.К. лажно претставувајќи се како продавач на возила купени на државна распродажба, успеал да измами повеќе од 80 лица и со самото тоа бесправно да се стекне со корист од 8.5 милиони евра.

Со ниската цена по кои ги продавал автомобилите успеал да намами бројни лица, а со цел да се стекне со поголема корист и да успее да побегне, испораката ја одолговлегувал и до 10 месеци давајќи при тоа најразлични причини за тоа. За еден истанбулски медиум, една жртва изјави дека на измамникот му исплатил 170.000 евра за 23 автомобили, но на крајот не добил ниту еден.

На крајот полицијата успеа да го уапси измамникот кој го напуштил претходно Истанбул и како што следува, се очекува долгогодишна казна. За сега останува нејасно дали парите им се вратени на измамените или Е.К. успеал да ги потроши.