Во Русија и невозможното е возможно. Секојдневно сме сведоци на најразлични несекојдневни вести кои доаѓаат од Русија. Последната во низа се однесува за еден 31 годишник од Волгоград кој за 3.5 години добил неверојатни 1.353 сообраќајни казни.

Како што пренесуваат руските медиуми, на возачот уште во 2015 година му е одземена возачката дозвола и изречена парична казна поради возење со алкохол во крвта. Сепак русинот не се интересирал да ја плати казната, а во меѓувреме добивал дополнителни по основ на најразлични сообраќајни прекршоци.

Така за 3.5 години тој добил 1.353 казни за што мора да плати 1.5 милиони рубљи или околу 19.600 евра. Со цел да се спроведе наплатата, локалната полиција и судските извршители во заедничка акција го уапсија овој 31 годишник.

Со цел да се изврши наплатата конфискуван е неговиот автомобил, а со оглед на тоа што со вредноста на автомобилот се покрива само дел од казната, ќе биде конфискуван и останатиот недвижен имот.