Ова е најпопуларниот автомобил во Аргентина во 60тите години на минатиот век. Целосно произведен во Аргентина, за многу кратко Chevrolet 400 го доби епитетот на национално возило.

Се започна на 21 март 1962 година кога во фабриката во Сан Мартин, во близина на Буенос Аирес, беше произведен првиот Chevrolet 400. Во периодот до 1974 година до кгоа и се произведувал овој модел, биле произведени стотици илјади автомобили кои во најголем дел биле продадени во Аргентина, но и во Уругвај, Парагвај, Чиле, Перу и останатите јужноамерикански земји.

Се произведувале во три изведби: седан, караван и купе. Сите тие биле достапни со неколку мотори и тоа 3.2 литарски мотор со 106 КС, 3.7 литарски со 127 КС како и 4.1 литарски со 155 КС. Спортската верзија на овој модел била опремена со 3,8 и 4,1 литарски мотор.

Моделски наследник на Chevrolet 400 e Chevrolet Chevry Malibu.