Со денешната вест дека Карел Абрахам заминува кај Аспар Дукати следната година, стартот за сезоната 2017 во Светскиот шампионат во мотоциклизам е завршен.

Јамаха ќе бара реванш за испуштената титула оваа сезона со Валентино Роси и Маверик Виналес.

Хонда се потпира на најсигурното и не направи промени – останува со новиот светски шампион Марк Маркез и Дани Педроса.

Дукати го привлекоа Хорхе Лоренцо на местото на Андреа Јаноне, надевајќи се на титула, и ќе продолжат со работата со Андреа Довициозо.

Сузуки ќе бидат со дебитантот Алекс Ринс, но и со Андреа Јаноне на местото на младиот талент Виналес.

КТМ во деби сезоната во МотоГП ќе возат со Бредли Смит и Пол Еспергаро.

Априлиа ќе биде со Сем Луис и Алеиш Еспергаро.

За Тех3 Јамаха ќе се натпреваруваат Јонас Фолгер и Јохан Жарко кои доаѓаат од Мото 2.

Во Прамак ќе бидат Скот Рединг и Данило Петручи.

За Авинтиа ќе се натпреваруваат Ектор Барбера и Лорис Бас.

Аспар ќе ги има новите засилувања Алваро Баутиста и Карел Абрахам.

ЛЦР Хонда продолжува со работата со Кал Кречлоу

ВДС Хонда продолжува со Џек Милер и Тито Рабат