Трката за Гран При на Франција ќе се врати во календарот на Формула 1 од 2018 година по 10 сезони пауза. Трката ќе се одржи на патеката “Пол Рикар” во Ле Кастеље на Азурниот брег, откако двете страни потпишаа договор за пет години.

Франција за последно беше домачин на трка од Ф1 во почетокот од шампионатот во 2008 година на “Мани-Кур”, по што отпадна од програмата од финансиски причини.

Патеката “Пол Рикар” често се користи за тестирање од тимовите, а за последно угости трка од Формула 1 во 1990 година. Од таа 19990 се инвестирани околу 80 милиони евра за реновирање.