Себастијан Лоеб ја освои последната фаза од релито Дакар, но само со 19 секунди предност, што не беше доволно за да го претекне Стефан Петерхансел од рекордната 13-та победа во најтешката трка за човекот и машината со време 28:49.30 часа. Двајцата Французи си разменија по четири победи, но по сите поминати фази Лоеб заостана со 5:13 минути во однос на клубскиот колега.

На трето место остана и третиот пилот на Пежо Сирил Депре. Две од сите 12 етапи беа откажани поради лошо време, а само еден – првиот, не беше освоен од страна на тимот на Пежо – францускиот конструктор беше на прво место кај девет од сите 12 етапи на Дакар 2017.

Петерхансел стана најуспешниот натпреварувач во историјата на релито Дакар со шест победи кај мотоциклите и седум победи кај автомобилите.

Нани Рома со Тојота беше најдобар од останатите со време 1:16.43 часа зад Петерхансел, а неговиот соиграч Жинел де Вили го затвори кругот топ 5 со две минути предност во однос на шестиот Орландо Теранова со Мини. Следат Јакуб Прижигонски со уште едно Мини, шампионот од сериите на издржливост Ромен Дима со Пежо, Конрад Роутенбах со Тојота и Мохамед Абу-Исса ја дополнуваат првата десетка.

Во категоријата на мотоциклите исто беше напишана нова страница во историјата на Дакар, откако Сем Сандерленд стана првиот британец, кој ја предводи трката на две гуми. По двете тркачки недели во Јужна Америка Сандерленд го заврши своето учество на врвот со 32 минути пред својот најблизок противник – Матиас Валкнер. На подиумот ќе се качи и шпанецот Жерар Фарес Гоел.