Во 2017 година Mercedes-AMG ја одбележува својата 50-годишнина и по тој повод единицата на брендот ќе претстави уште еден член на семејството AMG GT. Ова е новиот Mercedes-AMG GT C.

Позициониран меѓу AMG GT S и AMG GT R, новиот модел првично ќе се нуди само како “Edition 50”. Покрај него, Mercedes-AMG се згрижени и се за AMG GT и GT S.

Новите модели ќе се карактеризираат со AMG Panamericana предна решетка, која ќе ги дели сите AMG GT модели. Новата предна престилка пак ја нагласува ширината на автомобилот и го држи подобро на земјата, а големите надворешни отвори за воздух гарантираат ладење на моторот. Освен тоа има систем “AIRPANEL active air management” – вертикалните ребра во долниот дел на предната престилка се отвораат и затвораат од електромотор за околу секунда, за да го обезбедат потребното ладење. Кога нема потреба од тоа, решетките се затворени.

Промени има и во моторот – 4.0 литарски V8 битурбо мотор во AMG GT веќе е со 476 КС (14 КЦ помоќен од претходно). Освен тоа има и 30 Нм повеќе – 660 Nm вртежен момент. Истите податоци ќе важат и за GT Roadster, кога ќе излезе на пазарот. Во GT S моќноста се зголемува со 12 КС и достигнува 522 КС и 670 Нм. AMG GT C и двете варијанти на каросерија пак има 557 КС и 680 Nm. Најсилниот модел AMG GT R, добива 585 КС и 700 Нм.