Јамаха беше првиот конструктор во МотоГП, кој ги покажа машините на своите пилоти – Валентино Роси и Маверик Виналес за претстојната 2017 сезона.

На специјалната церемонија во Мадрид главни актери беа “Докторот” и неговиот нов тимски коега, како и главните менаџери на тимот. Тие изјавија дека филозофијата на брендот е запазена и тимот не ја изневерил својата долга историја во шампионатот, иако имаше сомневања дека реновираниот YZR-M1 ќе биде “револуција” во однос на својот претходник од сезоната 2016.

Првата појава на Роси и Виналес со новите мотори ќе биде на 30 јануари, кога започнува првиот официјален тест за 2017 година во мотоГП на “Сепанг”.