Германскиот производител на автомобили БМВ ги отфрли неодамна појавените информации за враќање во Формула 1. Марката влезе во Гран при трките во 1982 и се задржува таму до 1987 година. Уште во втората сезона успеаа да ја освојат светската титула заедно со тимот на Брабем, доставувајќи им го најмоќниот мотор во историјата на Формула 1. Тимот е предводен од Берни Еклстоун, а пилотот, што ја донел првата светска титула со турбо мотор во историјата на спортот, е Нелсон Пике.

Последната ера на баварците во спортот беше од 2000 до 2009 година, кога се повлекоа поради познатата светска финансиска криза.

Од БМВ сепак продолжуваат да тврдат дека Ф1 не е за нив, и продолжуваат во моментов во DTM и GT сериите, како и Формула Е, а претстои и враќање во 24-те часа на Ле Ман следната година.