Од вчера на сила е генералниот штрајк на работниците во фабриката на Фијат Крајслер во Крагујевац. Како што пренесуваат српските медиуми, работниците штрајкуваат во округот на фабриката, а имаат три барања до раководството на фабриката.

Првото барање се однесува во зголемување на платата од сегашните 38000 српски динари или околу 313 евра на 45000 српски динари односно 370,5 евра. Другото барање се однесува на покривање на трошоците што вработените ги имаат поради нестандардното работно време односно сите што доаѓаат и си одат на работа пред 5 часот наутро и 22 навечер да добиваат средства за покривање на превозот. Третото и последно барање е зголемување на бонусите за тековната и следната година, бонуси што фабриката неколку години наназад редовно им ги исплаќа на вработените.

Од синдикатот на вработените изјавија дека штрајкот ќе трае се додека не се постигне договор со раководството на ФЦА.