Две екипи од Кина имаат желба да се натпреваруваат во Формула 1 и изјавиле намери пред новите сопственици на шампионатот 1 – Liberty Media, како и пред ФИА.

Неодамна во Лондон била регистрирана марката ‘China F1 Racing Team Limited’, а сега и втора компанија поврзана со шпански тим од Формула 2 (Racing Engineering или Campos Racing), изјавила желба да создаде нов тим.

Претставници на ФИА и Liberty Media често коментираа дека сакаат на стартната линија повторно да има 24 болида. Дали сепак нивната желба ќе може да се оствари наскоро, не е јасно.

Веќе е доцна за упис на нови тимови за сезона 2018, а и ако се појават такви, тие ќе треба да го убедат раководството дека ги имаат потребните технички и финансиски ресурси за да се натпреваруваат.