Ѕвездата на Мерцедес Луис Хамилтон запиша рекорд, откако постигна најдобро време во историјата на патеката “Ред Бул Ринг”. Тоа се случи во денешниот прв слободен тренинг за неделната Гран При на Австрија, со време од 1:05.975 мин. Германецот стана првиот пилот, кој слегол под границата од 1:06 мин. Вториот во пласман кај пилотите пред деветтиот од сезоната круг беше најбрз со речиси половина секунда од главните конкуренти за титулата во 2017 година од Ферари. Втор остана холандскиот тинејџер Макс Верстапен од тимот домаќин Ред Бул. Австралискиот тимски колега Даниел Рикардо остана само петти на повеќе од секунда заостанување зад лидерот Хамилтон. Клубскиот на Луис во Мерцедес Валтер Ботас забележа трето време, а лидерот на табелата кај пилотите Себастијан Фетел од Ферари остана само четврти. Другиот пилот на Скудерија Кими Раиконен беше побавен од Фетел со 0.424 сек. и така успеа да запише само шесто време по првиот тренинг. Младиот пилот на Мекларен-Хонда Стофел Вандоорн успеа да запише седмо време со заостанување од 1,3 сек од лидерот. Рангирањето во првите десет по првиот тренинг го затвораат  Даниил Кват од Торо Росо, Фернандо Алонсо од Мекларен и пилотот на Форс Индија Естебан Окон.

Луис Хамилтон беше најбрз и во вториот слободен тренинг за Гран При на Австрија. Пилотот на Мерцедес направи обиколка на патеката “Ред Бул Ринг” за 1: 05.483 минути и го претекна Себастијан Фетел со 0.147 секунди. Трети на табелата од сесијата повторно остана клубскиот на Хамилтон – Валтер Ботас.
Макс Верстапен кој наутро беше најбрзиот по Хамилтон заврши на четвртата позиција во попладневната сесија, а петти се нареди клубскиот колега Даниел Рикардо. Кими Раиконен со Ферари се задоволи со шестата позиција, пред Кевин Магнус со Хас. Во топ 10 се вметаа и Фернандо Алонсо, Нико Хулкенберг и Ромен Грожан. На дното на табелата повторно се најдоа двајцата пилоти на Заубер Паскал Веерлајн и Маркус Ериксон.