Пилотот на Мерцедес Валтер Ботас успеа да го победи Себастијан Фетел од Ферари, и да слави по втор пат во кариерата на трка од Формула 1, откако денеска беше најдобар на на патеката “Ред Бул Ринг” во Австрија. Тој ја искористи и казната од пет позиции на другиот пилот на “сребрената стрела” Луис Хамилтон, кој пак на крајот од омото место дојде на четвртото.

Четирикратниот светски шампион Себастијан Фетел заврши втор, а на подиумот дојде и пилотот на Ред Бул австралиецот Даниел Рикиардо.

Кими Раиконен од Ферари заврши петти, а по него се наредија Ромен Грожан од Хас, Серхио Перез и Себастина Окон од Форс Индија, додека до поени дојдоа и пилотите на Вилијамс – Фелипе Маса и Лука Строл.

Фернандо Алонсо од Мекларен и Макс Верстапен од Ред Бул трката ја завршија уште во првите метри, откако Данил Квајт од Торо Росо не закочи на време.