БМВ најави официјално дека влегува во шампионатот Формула Е како конструктор. Германскиот производител потврди дека создаде целосно нов мотор кој ќе се користи од тимот во 2018/2019 година.

Целта на БМВ е да се развие технологијата која ќе ја користат во следната генерација електрични автомобили.

БМВ учествуваат во Формула Е уште од создавањето на шампионатот со улогата на официјален партнер, доставувајќи BMW i8 автомобил за безбедност и i3 за медицински автомобил. Сега за прв пат ќе се вклучат и како производител, создавајќи сопствен мотор.