Одбраната во кокпитот стана приоритет за ФИА по многуте инциденти во Формула 1, од кои некои беа фатални за пилотите. Пред малку повеќе од една година беше претставен концептот на затворен кокпит – “Ореол” и покрај тоа што беше категорично отфрлен како можност во април, денеска по средбата на Стратешката група стана јасно дека токму оваа опција ќе биде употребена за заштита догодина.

Пред два месеци беше речиси сигурно дека од сезона 2018 ќе биде задолжително присуството на заштитно ветробранско стакло ( “aero-screen”). За време на изминатата Гран При на Велика Британија Себастијан Фетел го тестираше и не остана фасциниран. Ден подоцна ФИА излегува со конечна одлука.

Ореолот беше тестиран од секој тим во Формула 1, и секој тим имаше преставник на средбата, а мислењата на пилотите беа различни. Објектот ќе биде задолжителен од следната сезона и ќе го промени изгледот на болидите значително.