Карло Сајнц и Peugeot се победници на овогодинешното издание на релито Дакар. По 14 извозени етапи, Сајнц го освои првото место пред катарецот Ал Атија од Тојота. Иако Насер Ал Атија беше возачот со најмногу победи, сепак Сајнц со време 49:16:18 го освои првото место. Токму Ал Атија со неговата Тојота се најде на втората позиција пред неговиот тимски колега Виљиерс на третата позиција. Долгогодишниот возач на Дакар, французинот Стефан Петерхансел се најде на 4та позиција пред Јакуб Прзигонски од редовите на Мини кој ја освои петтата позиција.
Во конкуренција на мотоцикли, првата позиција припадна на Ред Бул КТМ односно на австријецот Матијас Валкнер кој со време од 43:06:01 го освои првото место пред аргентинецот Кевин Бенавидес кој со својата Хонда забележа време од +0:16:53 во однос на првопласираниот Валкнер. За доминација на КТМ и Ред Бул се погрижија уште и Тоби Прајс и Антоин Мео кои го освоија третото и четвртото место.
It’s unbelievable! I can’t describe how it feels. This year’s Dakar has been easily the toughest rally of my career. Thank you to my team and everyone that has supported me – we did it 🏁 @KTM_Racing @KTMKINISHOP @redbullmotors @officialleatt @QUABUS_GmbH @ride100percent @dakar pic.twitter.com/Nv1tsUF4K6
— Matthias Walkner (@MatthiasWalkner) January 21, 2018
Во конкуренција на камиони и оваа година својата доминација ја потврди КАМАЗ. Така русите Николаев,Јаковлев и Рибаков ја освоија првата позиција со време од 54:57:37 пред белорускиот тим МАЗ предводен од Виазович, Харанин и Жухулин.