PSA Групацијата објави дека седиште на северноамериканската дивизија ќе биде Атланта. Ова е последната одлука која произлегува од имплементацијата на долгогодишната стратегија за враќање на пазарот во САД.

Во соопштението на PSA стои дека седиштето ќе биде оперативно кон крајот на февруари годинава.”Разгледувавме повеќе локации, но за најсооддветна ја сметавме Атланта. Целокупното деловно опкружување, стандардот на живеење и универзитетскиот систем одиграа важна улога во нашата одлука” изјави Лери Доменик, Претседател на ПСА Северна Америка, во поглед на изборот на локацијата. Покрај Лери Доменик, задоволството од изборот на ПСА Групацијата не го криеше ниту гувернерот на Атланта кој додаде дека во донесувањето на одлуката големо влијание имало и неговата посета на Париз претходната година.

Инаку враќањето на ПСА на пазарот во САД започнува уште во арпил 2016 година и според стратегијата истото треба да се направи во три фази. Почетната фаза се однесува на изградба на дилерска мрежа, напоредно со имплементација на маркетинг стратегијата која акцент става на дизајнот и квалитетот на возилата на мултинационалната групација.