Citroen Berlingo, моделот кој 22 години е дел од гамата на Citroen следниот месец во Женева добива нов лик. За прв пат во долгогодишната историја, новата генерација на Berlingo добива две изведби, M и XL. Разликата помеѓу овие две изведби е единствено во просторноста односно должината. Должината на М изведбата изнесува 4400 мм и располага со пет седишта додека XL изведбата е подолга за 350 мм и располага со дополнителни две седишта.

Инаку новиот Berlingo Multispace ја користи EMP2 платформата која PSA Групацијата ја има вградено во C4 Picasso, Opel Grandland X, Peugeot 3008, Peugeot 5008 и DS7 Crossback, а предниот дел е речиси идентичен како и кај Citroen C3 Aircross.

Новото Berlingo во продажба ќе се појави од втората половина годинава, а иако нема официјални информации околу цената се претпоставува дека ќе започнува од 16 илјади евра за M изведбата со основен пакет на опременост.