По Volkswagen и FCA медиумите во САД и Германија пишуваат дека и Mercedes Benz користеле нелегален софтвер при тестирањето за емисионите гасови. Германски Bild пишува дека германскиот производител користел т.н. менаџмент функција наречена “Slipguard” која идентификувала кога возилото се тестира за емисиони гасови. Покрај оваа менаџмент функција на моторот, Mercedes Benz го користеле и софтверот “Bit 15” со чија помош се “штелувала” количината на издувни гасови. Медиумите во гореспоменатите земји пишуваат дека овој софтвер ги смалувал штетните емисиони гасови за дури 10 пати. 

Иако официјално не е покрената истрага во САД, со изјава во јавноста излезе Портпаролот на германскиот производител кој потенцираше дека Mercedes Benz во целост е отворен за соработка со американските власти и наведе дека документите и тврдењата изнесени од Bild имаат за цел да наштетат на репутацијата на компанијата и нејзините 290 илјади вработени.