Корејскиот производител на автомобили Hyundai со право може да биде горд. Имено, најновиот модел на Hyundai, Kona како и i30 Fastback се закитија со престижната награда за дизајн доделена од страна на IFD односно International Forum Design. Наградата Hyundai ја добива во конкуренцијата на автомобили каде во минатото истата ја добиваа и BMW 5, Kia Rio, Audi Q2, Infiniti Q60, Mini Clubman и други.

“Hyundai уште еднаш освои признание од страна на жирито на IFD. Наградата само ги потврдува нашите квалитети во развојот на автомобилите и воедно претставува наш единствен пристап во автомобилскиот дизајн” изјави Томас Буркле, главниот дизајнер на Hyundai во канцеларијата во Европа.

Инаку главен дизајнер на Kona е белгијецот Лук Донкерволке кој во минатото беше дел од Фолксваген Групацијата.