Трендот на напуштањето на дизел возилата го следи и Порше. Официјално овој германски производител го заврши производството на авотмобили со дизел агрегати. Најголема причина за ваквиот потег се строгите регулативи во поглед на емисионите гасови как ои се поголемиот интерес за хибридни и електрични автомобили.

“Дизел моторите традиционално играат споредна улога во Порше. Порше никогаш не развивала дизел мотори за себе. Во моментот побарувачката за дизелските модели бележи пад додека интересот за хибридни и бензиски модели значително се зголемува” стои меѓудругото во соопштението на Порше. Во соопштението стои и дека причина за ваквиот потег е истрагата што се води против Фолксваген како последица на скандалот ‘Дизелгејт’.

Со овој потег на Порше уште повеќе ќе се популаризираат електрифицираните автомобили. Така Порше уште од поодамна најави хибридна верзија од новата 911ка додека целосно електрифициран ќе биде Mission E.