Пред официјалната премиера закажана за следната недела на саемот во Женева на интеренет се појавија првите официјални фотографии од новата Audi A6.  Поширок за 1,27 cm и подолг за 0,76 cm од претходната генерација, новата генерација на A6 делува многу полуксузно и поспортски од својот претходник. Предниот дел во голема мера потсетува на А7, а во целост новата A6 може да се каже дека е помало пакување на A8.

Внатрешноста потсетува на A7 со 10.1″ екран на допир централно поставен кој овозможува бројни мултимедијални перформанси и интегрираност со други уреди, а веднаш под овој екран се нааоѓа 8.6″ кој служи како контролор за клима уредот во автомобилот. Со тоа целосниот кокпит е виртуелен односно сите команди може да ги зададете само со допир или со гласовни команди. Останатите детали во внатрешноста само ја отсликуваат луксузноста на ентериерот кој во целост ја следи надворешната филозофија на луксуз и спортски карактер.

Повеќе информации околу цената и останатите технички спецификации се очекува да бидат достапни следната недела кога ќе се случи и премиерата на овој модел на саемот во Женева.