Volvo XC40 е добитник на престижното признание Автомобил на Годината во Европа за 2018 година. Volvo ова признание го доби во конкуренција на седум финалисти и тоа Alfa Romeo Stelvio, Audi A8, BMW серија 5, Citroen C3 Aircross, Kia Stinger и Seat Ibiza. Оваа одлука ја донесоа 60те новинари од 23 земји од Европа кои се решија за прв пат оваа награда да ја доделат на шведскиот производител.

Жирито составено од новинари има право да додели 25 поени и тоа максимум 10 поени на еден автомобил. Како најважни критериуми за оценување се: дизајн, комфорт, безбедност, економичност, функционалност, перформанси, еколошки аспекти, возачка сатисфакција и цена, а токму Volvo XC40 се покажа како најдобар во овие критериуми.

Инаку ова е прва награда за Volvo и прва за шведски производител (претходно неколку пати во конкуренција се најде Saab). Најмногу награди “Автомобил на годината” има добиено италијанскиот Фиат и тоа дури 9 пред Рено кој има добиено 6 награди.