По минатогодишната премиера на концептот AMG GT, оваа година во Женева дебитира сериската верзија на AMG GT 4 Door Coupe. Доколку направиме споредба на концептот и продукциската (сериската) изведба, екстерниерно речиси и да нема големи разлики. Истакнати се спортските линии, но истовремено Mercedes не го напушта својот традиционален дизајн изразен преку луксузниот карактер.

Оваа луксузна лимузина со пет седишта во внатрешноста е опремена со новата генерација на кокпит кој има два дигитални 12.3″ дисплеи кои овозможуваат возачот многу лесно да доделува команди, а истовремено овозможува целосна мултимедијална интеграција со надворешни паметни уреди.

Сите оние кои ќе сакаат да го купат новиот AMG GT 4-Door Coupe ќе треба да изберат една од трите варијанти: GT53, GT63 и GT63S која е најмоќната варијанта на овој модел. Токму овој модел е опремен со 4.0 литарски B8 битурбо мотор кој постигнува максимални 630 КС. Новитет е и хибридната верзија која е овозможена во GT53 изведбата.

Во продажба новиот модел на Mercedes ќе се најде кон средината на вториот квартал годинава, а засега не е позната цената и истата се очекува да биде објавена во текот на претстојниот саем во Женева.