По неколкуте тизер видео вчера во Женева во презентација за медиумите и официјално беше претставен новиот Rimac Concept Two. Автомобилот кој е дело на хрватската стартап компанија Rimac е целосно дело на Mate Rimac и неговиот тим кој како што велат новиот Concept е целосно хрватски производ и нема никакви релации со Concept One претставен во минатото. “Овој автомобил е развиен од нула и ништо не е преземено од Concept One. Погонскиот состав е развиен посебно за овој автомобил. Значи, батерискиот состав,шасијата, моторите, инвертерите… Само иницијалната идеја на електричен суперавтомобил е преземана” изјави Мате Римац за Вечерни Лист.

Concept Two располага со 1.914 КС што е за речиси 850 КС повеќе од Concept One. Oвој концепт благодарение на супер моќниот мотор до 100ка забрзува за само 1.9 секунди што е подобар резултат од на пример Bugatti Chiron, a до 300 km/h забрзува за 11.8 секунди. Во споредба со претходниот концепт на Rimac, Concept Two е подолг и неговата должина изнесува 4750 mm, висината изнесува 1208 mm додека ширината 1986 mm што значи дека е далеку попростран во однос на првиот концептна Rimac.

Според достапните информации овој концепт ќе биде произведен во само 100 примероци, а секој од нив ќе чини неверојатни 1.25 милиони американски долари, а сите автомобили ќе бидат произведени во Хрватска.