BMW планира вистински бум кога се во прашање електричните автомобили. Како што соопштуваат од германскиот производите, до 2025 година компанијата ќе воведе дури 25 електрифицирани модели. Прв кој се најавува во низата нови електрични автомобили е моделот i4. Овој концепт кој дебитираше на минатогодишниот саем во Франкфурт ќе се појави не подоцна од 2025 година.

Според достапните (не)официјални информации, до 100ка овој автомобил ќе забрза за нешто помалку од четири секунди, а максималната брзина која ќе ја постигнува изнесува 200 km/h. Автономијата на овој автомобил изнесува 600 километри што е повеќе од Tesla Model S кај кој автономијата изнесува 539 километри.