Иако за многу кратко стана гордост на Хрватска, сепак овие денови Мате Римац, основачот и сопственик на Rimac Automobili се најде на мета на критики на јавноста во Хрватска. За тоа има две причини. Прва вест која ги налути хрватите беше веста дека на саемот во Загреб нема да биде претставен најновиот концепт на Rimac, Concept Two кој премиерно беше претставен на саемот во Женева. Оваа вест особено ги налути љубителите на автомобилите во Хрватска кој се надеваа дека ќе имаат можност да го погледнат овој концепт во живо. Сепак од компанијата на Римац се одлучија за ваков чекор без при тоа да соопштат која е причината за овој потег.

Другата причина е последната вест поврзана со изградбата на фабрика за електрични мотори и батерии во Кина. Иако претходно самиот Мате Римац најавуваше дека се што ќе биде вградено во неговите автомобили ќе се произведува во Хрватска, сега истиот тој се демантира со тоа што потпиша договор со кинеската компанија Camel која ќе инвестира 30 милиони евра во новата фабрика. Во истата Rimac Automobili ќе учествува со само 5 милиони евра како и со сопственото know-how, а за возврат ќе добие удел од 40%.

Останува да се види дали сограѓаните на Мате Римац во наредниот период целосно ќе му го свртат грбот или пак ќе имаат шанса за помирување.