Еден од најпривлечните штандови на саемот во Женева е оној на Toyota. Најголема причина за тоа е новата Toyota Supra која на сцената се враќа по 16 години. Новата Supra е креирана во соработка со BMW, и како и сите претходни генерации така и оваа го истакнува спортскиот карактер, а истовремено и јапонската филозофија на дизајн. Овој, засега концепт ќе биде достапен во четири различни варијанти и тоа: основен модел, Supra GR, Supra GR Sport и Supra GRMN која ќе биде најмоќната варијанта од сите четири.
Сепак новата Supra ќе се продава под беџот на Gazoo (Toyota Gazoo Racing WRT е WRC тим од Финска), а според неофицијалните информации истата ќе биде произведена во ограничена бројка. Во однос на цената и точниот датум на производство нема сеуште никакви информации.
На овој саем е претставен и најмалиот автомобил во гамата на јапонскиот производител – Aygo. Редизајнираното Aygo доаѓа со мала екстериерна измена, со подобрени перформанси вклучувајќи ја и динамиката, а добива и нови LED светла.
Покрај концептот Supra и редизајнот на Aygo, Тојота на претстојниот саем во Женева ја претстави и новата Auris. Третата генерација на Auris екстериерно нема да биде многу поразлична од претходната и ќе се задржи постоечката филозофија на дизајн која се практикува и кај веќе постоечките модели како што се Avensis и Corolla. И новата Auris се базира на веќе докажаната TNGA платформа која во моментов ја користат C-HR и Prius.
Покрај одличниот екстериер, Toyota приготвува и одличен ентериер кој е за малку поголем од втората генерација, а воедно и висока безбедност која никогаш не била спорна кога се во прашање јапонските возила.
Она што друго доаѓа ново со новата генерација е и новиот 2.0 литарски бензински мотор кој овозможува поголема економичност и помала концентрација на издувни гасови. Овој мотор ќе биде достапен и во Европа заедно со 1.2 литарскиот турбо бензински мотор кој ќе го замени досегашниот 1.33 литарски мотор, а достапни ќе бидат и 1.8 и 2.0 хибридната варијанта.
Цената и датумот на продажба сеуште не се познати, а она што се знае е дека ќе се произведува во Јапонија и Велика Британија.
