Лоша вест одекна од Инглоштад! На жалост на фановите на Audi како и останатите љубители на автомобилите германските медиуми пренесуваат дека популарната R8ца од 2020 нема повеќе да биде во понудата на Audi, а оваа вест ја потврди и Питер Мертенс, директорот на секторот за истражување и развој. “Бев нервозен кога почнавме да збориме околу ова” изјави Мертенс потенцирајќи дека и самиот тој не е среќен за оваа одлука, но потоа доплни дека сепак R8 ја заврши својата работа најдобро што може.

Инаку овој модел за прв пат се појави во 2006 година откако во 2003 година беше претставен и концепт моделот дизајниран од страна на Френк Лемберти и Џулијан Хенинг. Од тогаш па се до денес се појавија две генерации на R8 со многубројни изведби. Според неофицјалните информации досега биле продадени 28.935 R8 автомобили, а најмногу од нив биле продадени во Европа и тоа 15.078.

Останува да видиме кој модел ќе го заземе местото на R8, а наголемо се шпекулира дека тоа ќе биде автомобил на хибриден погон.

ФОТО: audi.com