Легендата на MotoGP шампионатот Валентино Роси ќе го гледаме на патеките уште најмалку три години откако вчера потпиша нов двегодишен договор со Yamaha. Иако се шпекулираше дека Роси нема повеќе да се трка, сепак од вчера и официјално тој ја продолжи соработката со Yamaha и не само што ќе настапи претстојната сезона туку ќе настапи и на следните две сезони.

“Кога го потпишав претходниот договор со Yamaha се прашував дали тоа ќе ми биде последен. Со текот на времето си реков дека таа одлука ќе ја донесам во наредните две години. Во тие две години заклучив дека сакам да продолжам да се тркам бидејќи тоа ме прави среќен” изјави Валентино Роси на кого ова ќе му биде 23та сезона, а 13та во тимот на Yamaha.

Инаку овогодинешниот MotoGP шампионат започнува претстојниот викенд кога е закажана трката во Катар.

I’m very very happy to race for another 3 years with this great bike and with my wonderful team… https://t.co/Uz0A1mAx5M

— Valentino Rossi (@ValeYellow46) March 15, 2018

ФОТО: Instagram/Valentino Rossi