Откако Jaguar, Land Rover, Porsche и Mazda не настапија во Детроит, Opel во Женева, а Mercedes и BMW објавија дека нема да настапат на следниот саем во Детроит уште еден авто производител објави дека ќе апстинира од присуство на саем. Станува збор за јапонскиот производител Nissan кој објави дека ќе го пропушти овогодинешниот саем во Париз.

Како причина за ваквата одлука од Nissan наведуваат дека нема што ново да им понуди на јавноста, па токму поради тоа, но и намалување на трошоците се одлучиле за ваков чекор. “Немаме ништо ново да покажеме. Избравме да присуствуваме во Женева и на специјализираните саеми посветени на дигиталната технологија” изјави Бернард Лоир, претставник на Nissan.

Покрај Nissan во Париз нема да присуствуваат ниту Ford, Mazda и Volvo, a се очекува списокот да се надополни со уште по еден авто производите. Инаку саемот во Париз е закажан за октомври поточно 4. октомври кога ќе бидат отворени вратите за посетителите и ќе трае се до 14. октомври.