Во пресрет на денешната, втора трка сезонава во Moto GP, Џек Милер ќе стартува од првата позиција откако вчера вечер беше најдобар во квалификациите. Милер на првата позиција заврши со време од 1’47.153 и со тоа обезбеди прва пол позиција сезонова. Од втората позиција денеска ќе стартува шпанецот Дани Педроза кој со својата Хонда заостана за неверојатни 177 илјадитинки, додека на третата позиција со мал заостаток заврши французинот Жоан Зарко.

Она што беше интересно на вчерашните квалификации беше доста променливото време што на возачите им правеше проблем во однос на пневматиците. Токму таков проблем имаше и Милер кој квалификациите ги започна со пневматици за суво, но на крај со истите успеа да го обезбеди лидерското место.

Денешната трка е закажана за 20 часот, а и денес како и вчера не очекуваат возбудливи моменти.