Сосема очекувано,BMW X3 доби пет ѕвезди на Еуро НКАП тестот. На тестот кој се спроведе во рамките на Euro NCAP тестот X3 моделот со 2.0d мотор со тежина од 1825 kg во сите четири параметри оствари одлични перформанси.

Со скор од 93% во однос на безбедноста на возачот односно возрасните овој модел е најдобар од сите BMW модели. Само за илустрација, серијата 6 во овој параметар има скор од 86%, серија 5 од 91%, X1 има 90% додека Z4 има скор од 69%.

Во однос на безбедноста на децата X3 има скор од 84%, 70% има остварено скор во однос на безбедноста на пешаците и 58% изнесува безбедносната асистенција односно безбедноста на околината.

Со овој скор X3 е најбезбедниот BMW автомобил.