Следејќи го примерот на BMW кои минатата недела го започнаа пилот проектот “Вози BMW на претплата” и Mercedes се одлучува да ги следи стапките на германскиот производител. Така Mercedes Benz почнувајќи од оваа недела во американските градови Нешвил и Филаделфија ќе понуди автомобил на претплата.

Суштината во овој проект се однесува на тоа да секој корисник има можност да одбере било кој модел од понудата на компанијата и потоа истиот тој автомобил да го добие на користење. Корисникот е обврзан за целиот тој период да плаќа месечна претплата во која е вклучено осигурувањето, редовните сервиси, услуга за помош на пат и слично.

Инаку оваа идеја за автомобил на претплата корени влече од 2015 година кога Lincoln воведе ваква опција. Се очекува во наредниот период со ваква понуда да излезе и Volkswagen.