Со цел да го подобри својот имиџ откако истиот му беше нарушен со скандалот “Дизелгејт”, Volkswagen одлучи да ја имплементира новата маркетинг стратегија која предвидува и промена на официјалното лого. Oваа одлука ја соопшти бренд менаџерот Зенгпил кој изјави дека промената на логото не е само поради скандалот поврзан со дизелот туку и поради тоа што брендот е “премногу германски”.

“Брендот не е во добра форма во споредба со претходните години бидејќи марката изгуби некој од емоционалните елементи обидувајќи се да биде премногу германска” изјави бренд менаџерот на Volkswagen групата на прес конференција во Берлин. Тој исто така потенцираше дека компанијата повеќе ќе инвестира во дигиталниот маркетинг со цел да го поттикне значењето на електрифицираните автомобили кои ќе бидат во фокусот на компанијата во наредниот период.

Инаку последен пат германскиот производител го промени логото во 2012 година додека пак новото лого се очекува да биде објавено на почетокот на следната година.

Прочитајте повеќе >>> КАКО ЗА МАЛКУ ГОЛФ НЕМАШЕ ДА ПОСТОИ