Рускиот производител АвтоВАЗ и официјално ја претстави долгоочекуваната крос изведба на Lada Vesta. Со овој модел Lada за прв пат влегува во водите на off-road седан, а воедно овој модел е и првиот руски автомобил во овој сегмент.

Во однос на класичниот модел и нема многу разлика кога е во прашање дизајнот. Единствено, крос изведбата е за 20 cm подолга што овозможува и поголема пространост во внатрешноста. Во однос на внатрешноста оваа изведба добива повеќе опрема проследена со 14 додатоци како и темпомат, воздушни перничиња, автоматска клима, радио со USB и слично.

Lada Vesta Cross се приклучува на прилично обновената гама на Lada која во моментов ја сочинуваат Vesta Sedan, Granta Sedan, Largus Universal, XRay, Priora и секако легендарната Niva. Како последница на аквизацијата од страна на Renault Nissan во наредниот период се очекува да се појават нови модели, а акцентот ќе биде ставен на SUV и квази SUV моделите.

Продажбата на новиот модел на Lada ќе започне ова лето, а во однос на цената се очекува истата да започнува околу 9.500 евра, а како целен пазар се наведува Источна и Југоисточна Европа како и Централна Азија.