Откако на почетокот на годината беше претставена новата генерација на хечбек изведбата на А класата, Mercedes Benz на претстојниот саем во Пекинг премиерно ќе ја претстави седанската изведба на А класата.

Во пресрет на саемот, на интернет веќе се појавија рендери кои го откриваат дизајнот, но засега нема потврда дали истите го прикажуваат оригиналниот изглед на седанската изведба. Она што може со сигурност да се каже е дека и оваа изведба ќе биде опремена со најнапредната мерцедесова технологија која се користи и кај хечбек изведбата, на најверојатно седанот ќе биде достапен со истите мотори.

Новиот модел, Mercedes Benz ќе го произведува во погоните на Beijing Benz во Кина каде германскиот производител заедно со BAIC Motor ги произведува и моделите V213 (Е класа) и W205 (C класа). Со овој новитет Mercedes Benz лансира конкурент на BMW серија 1 и Audi A3 Sedan.