SUV инвазијата на Volkswagen групацијата никако да запре. По бројните SUV изведби на VW, Skoda и Seat, германската групација објави дека купе изведбата на Tiguan пристигнува следната година.

Веќе неколку месеци наназад се шпекулира околу можното сериско производство на овој модел, а германските медиуми веќе почнаа да лицитираат со конкретниот датум. Според најновите информации, купе изведбата премиерно ќе биде претставена кон крајот на оваа или самиот старт на следната година, а во производство ќе се најде во вториот или третиот квартал 2019 година.

Ентериерот на Tiguan Coupe ќе остане непроменет, а измени ќе има во екстериерот. Исти ќе останат и агрегатите oдносно во понуда ќе останат 1.4 и 2.0 литарските TSI и TDI мотори. Засега не е позната цената, но таа се очекува да биде за малку повисока од моменталната.