Американската автомобилска компанија Tesla забележа рекордна загуба во висина од 710 милиони американски долари во првиот квартал годинава. Како што пренесоа американските медиуми загубата изнесува 3.35 долари по акција што е помалку од 0.23 долари колку што претходно аналитичарите предвидуваа дека ќе изнесува.

Како најголема причина за оваа загуба е инвестицијата што Tesla ја прави за производство на моделот 3 со што компанијата бележи рекордна загуба пет квартали по ред.

“Компанијата Tesla забележа значаен напредок во зголемувањето на производството на моделот 3 во другата половина на првиот квартал годинава” стоеше во писмото испратено од компаниајта до акционерите. Од компанијата соопштија и дека во април биле произведени 2.270 возила неделно што е под планираното производство од 5.000 автомобили неделно.

Со зголемување на неделното производство на 5.000 автомобили и намалување на трошоците на околу 3 милијарди долари, од Tesla се надеваат дека конечно ќе успеат да излезат од зоната на загуба.