И кога ќе помислите дека кинезите не можат полошо тогаш следува неверојатна копија на Bugatti Chiron. Овој автомобил произведен од страна на Shandong Qilu Fengde од кинеската провинција Shandong е вистинска копија, во помали димензија од ултра луксузниот Bugatti Chiron.

Сепак овој автомобил има нешто што го прави поразличен од оригиналниот Chiron, а тоа е електричниот погон со што може да заклучиме дека ова е првиот електрични кинески Bugatti Chiron.

Како што соопштува овој производител, максималната брзина ќе биде далеку помала од вистинскиот Bugatti Chiron и ќе изнесува 50 km/h, а со полна батерија ќе може да вози и до 150 km без проблем. За таа цел потребно е батеријата да се полни до 10 часа.

Во однос на димензиите, овој автомобил е за 45 cm пократок од Chiron. Во внатрешноста се наоѓа дигитална инструментална табла со 7 инчен екран осетлив на допир, спортски управувач и импровизирана задна клупа на која може одвај да собере две особи под услов предните седишта да бидат извадени.

Она што го прави овој автомобил посебен е цената која изнесува 4.230 евра што го прави многу подостапен во однос на вистинскиот Bugati Chiron.