Конечно! По неколку месечено континуирано зголемување на цените на горивата, Регулаторната комисија за енергетика на денешната седница донесе одлука за нивно намалување. Како што соопштуваат, горивата од ноќеска на полноќ поевтинуваат за 1.5 денари по литар.
Така новата малопродажна цена на Еуросупер БС-95 изнесува 72 денари за литар, додека новата цена на Еуросупер БС-98 ќе изнесува 74 денари по литар. Новата цена на дизелот изнесува 63.5 денари.
Следната корекција на цената се очекува да се случи за две недели односно на 25 јуни.