По примерот на азијските производители, Jeep и Alfa Romeo воведуваат пет годишна гаранција на одредени модели. Целта на оваа одлука е да се убедат купувачите во квалитетот кој го нудат овие производители, но и да се создаде перцепција на квалитет.

Wrangler, Renegade, Compass, Cherokee и Grand Cherokee се моделите на Jeep кои од сегашната три годишна гаранција ќе добијат пет годишна додека италијанскиот производител се одлучи продолжената гаранција од две години да ја додели на Stelvio Speciale, Giulietta Sport и Giulia Veloce. “Никогаш не било подобар момент за купување на нов Jeep автомобил” кратко изјави Ендри Трејси, главен менаџер на Jeep за Велика Британија по повод објавувањето на оваа новост.

Европските производители се познати по драстично помалата гаранција во однос на азијските производители. Најголем дел од европските производители даваат две до три години гаранција на своите модели додека во Азија, производителите како Toyota, Kia, Hyundai, Honda, даваат и до седум години гаранција.