Покрај производството на автомобили, BMW има голема репутација кога е во прашање и производството на мотоцикли. Комбинацијата на ретро дизајн и неверојатна моќ, се вистинската формула која германскиот производител веќе неколку децении ја користи за да ги освои срцата на мото вљубениците.

Традиционално, BMW на фестивалот во Гармишпартенкирхен, во јужниот дел на Германија, секоја година ги претставува новитетите кога се во прашање мотоциклите. И оваа година, BMW обнови неколку модели, а најголемата е направена кај RnineT, Pure, Scrambler и Racers кои сега се достапни со изменет екстериер со неколку додатоци.

Првите два модели сега доаѓаат со нови фелни, динамично задно светло како и дополнително вградена нова технологија. K1600 линијата сега доаѓа со HSC систем однсоно со систем за помош за тргнување на угорнина, систем кој доаѓа во стандардниот пакет на опрема. Кај K1600B мотоциклот има измена во висината на седиштето како и новиот агрегат и дополнителни индикатори за нагло промената на правецот.

За сите овие модели нарачките ќе може да се примаат од август, а во слободна продажба ќе се појават кон средината на октомври.

БОНУС ВИДЕО: Погледнете како се произведуваат BMW мотоциклите