EarthRoamer XV-HD е најновиот масивен подвижен “дом” кој се темели на камионетот Ford F750. Ова возило кое може да ве одведи буквално секаде располага со 6.7 литарски V8 турбодизел.

Покрај пространоста, карактеристично за EarthRoamer XV-HD е луксузниот дизајн кој вклучува кожна гарнитура, ентериер од висококвалитетно дрво како и мермер на одредени делови од внатрешноста.

Резервоарот за вода е со капацитет од 946 литри додека капацитетот на резервоарот за гориво изнесува 435 литри. Тука е и литиумско јонската батерија од 20 kWh поставена на кровот каде се наоѓа и соларен панел.

Во однос на цената, доколку сакате ова адреналинско возило да биде ваше ќе мора да одвоите околу 1.5 милиони американски долари од вашиот буџет.