Синот по стапките на таткото. Мик Шумахер, синот на седумкратниот светски шампион Михаел Шумахер и официјално стана дел академијата на Ferrari.

Официјализирањето на ова доаѓа откако изминатата недела се збореше за можинот дил помеѓу Мик и италијанскиот конструктор.

“Повеќе од очигледно е дека Ferrari зазема големо место во моето срце откако сум роден, но и кај сите членови на моето семејство. На лично ниво сум пресреќен поради оваа прилика” изјави младиот Шумахер.

Инаку Мик Шумахер е роден на 22 март 1999 година во Швајцарија. Професионалната кариера ја започна како картинг возач во 2011 година, а во 2016 година успешно настапуваше во италијанскиот F4 шампионат како ADAC Formula 4 натпреварување. Минатата година во рамките на FIA Formula 3 европскиот шампионат ја освои првата позиција.

Покрај него, дел од оваа академија станаа и Калум Ајлот, Џулијано Алези, Маркус Армстронг, Ромерт Шварцман, Енцо Фитипалди и Џанлука Петекоф.