Интересна сторија ни доаѓа од италијанскиот град Торино. Имено, во ноември минатата година во запуштен подрум локалните власти пронашле Alfa Romeo Giulietta SZ од 1962 година.

Овој автомобил во Blu Chiaro Metallizato боја бил во сопственост на извесен механичар, а автомобилот завршил во подрумот откако се расипал лифтот. Во меѓувреме овој механичар починал, но истиот не оставил тестамент.

Така според законите во Италија, доколку за одреден имот не се пријават наследници по 25 години истиот се префрла во сопственост на регионалната влада, во овој случај Пиемонт. По ова овој автомобил кој е само еден од 217те произведени е продаден на аукција за 567 илјади евра, а парите собрани од оваа аукција ќе бидат донирани во најразлични цели.

Во однос на техничките карактеристики, овој автомобил тежи само 785 килограми, а под хаубата располага со 1.3 литарски четири цилиндрен мотор со 100 КС. Максималната брзина која може да ја постигне изнесува 200 км/ч.