Во пресрет на новата сезона од најпопуларното авто-мото натпреварување, американските медиуми брифираа дека General Motors во партнерство со Andretti планираат да учествуваат во овој шампионат.

Првиот чекор во своите намери планираат да го направат во наредниот месец-два кога двете компании ќе поднесат изјава за заинтересираност до FIA, кое е надлежно тело за Формула 1. Ова е потврдено и од двете компании кои би настапувале под името Andretti Cadillac.

„Чувствувам дека ни одговара да бидеме нов тим во Формула 1 шампионатот и да можеме да донесеме вредност на ова натпреварување како и на нашите партнери, секако, и возбудување за навивачите“ изјави Марјкл Андрети, претседател и извршен директор на Andretti Global.

Инаку, Andretti Global е сопственик на Andretti Autosport, тим кој се натпреварува во IndyCar серијата, Indy Lights, Indy Pro 2000 и Formula E. Доколку нивото барање биде прифатено, овој тим во Формула 1 ќе се натпреварува уште од следната сезона.