Солидна година за турската автомобилска индустрија – продажбата на нови автомобили минатата година се зголеми за 7% додека производството на нови автомобили во оваа земја оствари пораст од 6%.

Ова го покажуваат официјалните податоци за 2022 година според кој во текот на целата мината година на турскиот пазар се продадени 827.147 нови автомобили, а се произведени 1.352.648 автомобили.

Убедливо најпродаван бренд е Fiat со продадени 146.435 нови автомобили што претставува 18,7% од вкупната продажба. Значително учество има и Renault и тоа од 12,7% односно 99.639 нови автомобили. Во најдобрата тројка се наоѓа уште и FOrd со продадени 77.435 нови автомобили.

Место меѓу првите 10 на најголемиот пазар во Југоисточна Европа обезбедија и Volkswagen (60.341), Toyota (49.937), Hyundai (45.176), Opel (36.725), Dacia (36.000), Peugeot (32.666) и Citroen (28.831).