Не треба многу време да се вози по улиците во Босна и Херцеговина за да се види доминацијата на Volkswagen Golf. Може да се сретнат од сите енерации, но не треба да ве изненадат и бројните двојки и тројки. Оттука со право се вели дека овој автомобил е далеку најпопуларен помеѓу возачите во оваа земја. Зошто е тоа така?

Причината потекнува нешто повеќе од четири децении, а најголема вина има TAS или Tvornica Automobila Sarajevo. Во оваа фабрика која е основана по втората светска војна, се произведуваат најразлични компоненти за автомобили, а од 70те години по лиценца на Volkswagen и повеќе модели на овој бренд, а најголем дел од нив Golf.

Фабриката вработувала неколку илјади лица, а сите тие имале поволности при купување на нов автомобил. Исто така, благодарение на евтините кредити, многу Босанци ја дале довербата на Golf наместо на Zastava или Renault кој во тоа време се произведувал во Словенија.

Друга причина е и локал патриотизмот, па така доколку во Копер и околината царувале Renault автомобили, а во Шумадија, Zastava, Сарајевчаните, во прв ред, биле верни на своето производство.

Токму на оваа тема, 12 минутен прилог објави и регионалната N1 телевизија, прилог кој може да го погледнете во продолжение.